राष्ट्रिय दलित नेटवर्क (RDN) नेपालद्धारा Forest and Farm Facility (FFF) को आर्थिक सहयोगमा “माछापालनमा आधारित कृषि वनको माध्यमबाट गरिब दलित महिला र युवाहरूको सामाजिक(राजनीतिक र आर्थिक स्थितिमा सुधार” परियोजना कार्यान्वयन भयो। दलित महिला र युवालाई लक्षित गरी कपिलवस्तुको शिवराज नगरपालिकामा गत डिसेम्बर २८ देखि २०२२ मार्च ३१ सम्म उक्त परियोजना कार्यान्वयन गरिएको थियो । यस परियोजनाको मुख्य उद्देश्य दलित महिला तथा युवाहरूको सामाजिक, आर्थिक स्थिति र राजनीतिक प्रतिनिधित्वलाई सार्वजनिक, निजी र सामुदायिक स्रोतहरूमा बृद्धि गर्नु थियो। आयोजनाले दियालो नेपाल र मिलिजुली कृषि समूहसँग समन्वय गरेको थियो । जातीय भेदभाव र छुवाछुत, लैङ्गिक हिंसा, निर्णयमा दलित महिला र युवाको सहभागिता नहुने जस्ता अनगिन्ती चुनौतिहरूको सामना गरिरहेको सन्दर्भमा परियोजना कार्यान्वयन गरिएको थियो । परियोजना लक्षित क्षेत्रका ९० प्रतिशतभन्दा बढी दलित, महिला र युवाले उचित र समान पारिश्रमिक नपाएको र आम्दानीका लागि अनौपचारिक क्षेत्रमा लागेका लागेको कुरा देखाएको छ । थप रूपमा, लक्षित जनसंख्याको भूमि अधिकार र आय आर्जन गतिविधिहरूमा कम पहुँच छ। यी समस्याहरुले दलित, महिला र युवाहरूको जीवनको हरेक क्षेत्रमा प्रभाव पारेको छ ।
उद्देश्यः सार्वजनिक, निजी र सामुदायिक स्रोत साधनमा दलको सामाजिक आर्थिक हैसियत र राजनैतिक प्रतिनिधित्वमा वृद्धि गर्ने
प्रतिफलः
प्रतिफल १: प्रमाणका आधारमा वकालत गरेर सार्वजनिक सेवा, स्रोत र अवसरहरूमा पहुँच गर्न दलित महिला र युवाहरूको क्षमता वृद्धि भएको हुनेछ ।
प्रतिफल २: माछापालनमा आधारित कृषि वन जिवीकोपार्जन मार्फत दलित, महिला र युवाहरूको उद्यमशीलता क्षमताको विकास भएको हुनेछ ।
मुख्य क्रियाकलापहरुः
१. आधारभूत सर्वेक्षण
२. समूह सदस्यहरूको लागि नेतृत्व विकास तालिम सञ्चालन
३. स्थानीय सरकारको लैंगिक र गरीवमैत्री बजेट विश्लेषण वकालत
४. सरकारी निकाय र सामाजिक संरचनाहरूमा दलित, महिला र युवाहरूको अर्थपूर्ण सहभागिता बढाउन जनवकालत अभियान
५. समूहका सदस्यहरू (दलित, महिला र युवा) लाई मत्स्यपालनमा आधारित कृषि वनसम्बन्धी तालिम
६. दलित, महिला युवाहरुलाई वित्तीय साक्षरता तालिम सञ्चालन
७. मत्स्य कृषि वनका प्रतिनिधिहरुलाई बजार विश्लेषण र विकास तालिम सञ्चालन
